المساعد الشخصي الرقمي

مشاهدة النسخة كاملة : مبتدئه في oscommerce ومحتاجه مساعدتم الله لا يهينكم

ريوم قطر
12-04-2009, 03:13 PM
السلام عليكم ورحمة الله تعالى و بركاته

انا سجلت في هالموقع لاني شفت انه الناس تساعد بعد ما طلبت المساعده من اكثر من 3 مواقع ولا حد ساعدني الل يقرى ويطنش
المهم بقولكم السالفه

انا ماعرف ولا شي في الانترنت والمواقع وبعد مافنشت ابتديت اهتم بهالمواضيع خصوصا انه عندي وقت فراغ و اتاجر في اغراض قلت خليني اسوي موقع
اول شي اشتريت لي دومين
وبعدين نزلت oscommerce انه الناس كلها تمدحه بس والله العضيم اني منزلته اكثر من 6 مرات و امسحه لانه مايشتغل المهم الحمد لله اشتغل حطيت صور بضاعه عندي بس ماعرف شلون اغير اكتب اسمي على الموقع ماعرفت اعربه ولاشي
اعتبروني مشروع فاشل في صناعه المواقع بس انا خاطري اتعلم وابي الي يمشي معاي خطوه خطوه هدا موقعي وانتضر ردكم شنو اسوي نكست
www.marayimshop.com
والله يجزيم الف خير:abc_145:
abohmam
12-04-2009, 05:21 PM
أبشرى أختنا إن شاء الله سوف نحاول مساعدتك بما نستطيع

هل النشاط بيع الملابس وخصوصا الاطفال أم ماهو النشاط مختلف عن ذلك؟
ريوم قطر
12-04-2009, 08:16 PM
أبشرى أختنا إن شاء الله سوف نحاول مساعدتك بما نستطيع

هل النشاط بيع الملابس وخصوصا الاطفال أم ماهو النشاط مختلف عن ذلك؟

السلام عليكم

مشكور اخوي اول مره يجيني رد على موضوعي في نفس اليوم :abc_051:

ايه اخوي ملابس اطفال وجواتي الله يعزك وجلابيات يعني 4 او 5 اشيا انا اول شي كنت اعرض بضاعتي في المنتديات بعدين قلت خليني اسوي كتالوج نفس الي الشركات يطرشون عشان اطرشه لزببايني في الايميل ويكون اسهل يشوفون بضاعتي رحت اشتريت catalog builder oscommerce 2pdf ب 70 دولار حسبالي بس بنزل لصور وبيكون عندي كتالوج بعدين عشان اسجله طلب مني hostname database username password وانا مادري عن ولا شي المهم بعد ما اتصلت في الشركه قالو لي هالكتالوج يصلح بس لو عندج ويب سايب يا مااااااااااماااااا شلون يكون عندي ويب سايت وانا ماعرف ولا شي توهقت :abc_102: قعدت ادور واشتريت لي دومين من awardspace وصارعندي ويب سايت بعدين قالو لي يبي لج تنزلين oscommerce و سويت بعدين حصلت موضوعك اخوي شلون اركب تمبلت وحاولت وماعطاني شي لما احط نفس الي شرحت الله يعطيك الف الف الف عافيه www.myname.com/install/install.phpيرجعني للموقع الي اشتريت منه الدومين الله يسرلك امورك ويهنيك اخوي ابو همام قولي شسوي

شكراااااااااا :abc_152:
abohmam
12-04-2009, 09:11 PM
حياك الله أختنا الفاضلة

بصراحة قمت بتنصيب الاسكربت فى الفترة التى بين ردى الأول والثاني للتأكد من كل شئ لأفيدك فى الأمر

والنتيجة كانت جيدة ولله الحمد

بخصوص التعريب ستجدين هنا شرح بالصور

http://www.abc4web.net/vb/showthread.php?t=2728

ولكن الأمر يحتاج الى بعض التفصيل لإضافة الكلمات التى تم إضافتها فى الإصدارات الجديدة وهناك من يقوم الآن بإكمال التعريب للاصدارة الجديدة

بالنسبة للإستايل قمت بإضافة استايل رائع ولكن يحتاج لحذف بعض الصور ولكن هذا يؤكد أن افسكربت والترقية التى شرحتها صحيحة 100% ولله الحمد

http://img102.imageshack.us/img102/5864/16239oscb.jpg

يبقى أمر واحد لديك فى الموقع وهو كيف قمتى ببناء الموقع ؟ وهل قمت بحذف ملف صفحة البداية الإفتراضي الذى تتركه شركة الإستضافة أم ماذا ؟

طبعا يوجد من يقوم بهذه الأمور بمقابل ولكن أستطيع أن أفيدك فى البداية إذا كان الأمر يستحق أم لا ؟

بالتوفيق إن شاء الله
ريوم قطر
12-04-2009, 09:25 PM
مشكور اخوي انا كل الي سويته نزلت oscommerce ماح\فت ولا اضفت ولا شي ممكن تزور موقعي وتقولي www.marayimshop.com والله ماقدر اوفيك حقك ولو اشكرك لين باجر انا مافهم ولا شي بس اتبع تعليماتك عشان ماكون لخبطت فيه بمسح كل شي وبنزله من اول وجديد و بجرب التعريب الي عطيتني وبرد عليك اخوي الله لا يحرمني منكم

مشكوووووور:abc_022:
ريوم قطر
12-04-2009, 09:39 PM
Warning: main(includes/languages/arabic.php): failed to open stream: No such file or directory in /home/www/marayimshop.com/includes/application_top.php on line 285

Fatal error: main(): Failed opening required 'includes/languages/arabic.php' (include_path='.:/usr/local/php4/share/pear') in /home/www/marayimshop.com/includes/application_top.php on line 285
هي الخطأ الي يعطيني لما اعرب

اخوي ابو همام والله انا ابي اتعلم والصراحه ماعندي سلعه وايد توني ابتديت يعني ما اقدر ادفع وايد لتصميم المواقع
قلت ببتدي وبسوي بروحي
انا الخين بمسج كل الي في directory مالي وبعدين بنزله من اول وجديد اشرايك وبعدين نمشي خطوه خطوه ما عليك امر ولو بعد ممكن تسوي لي بفلوس قولي وبنشوف

والله يعطيك من رزقه وييسر لك امورك ويهنيك يارب
abohmam
12-04-2009, 10:35 PM
طيب ماتمسحى شئ وارسلى لى بيانات الموقع على الخاص كى ألقى نظرة إن شاء الله

ربما اركب لك السكربت واستايل عربي وماعليك الا تغير الصور ووضع منتجاتك كى نختصر الوقت.

وممكن تتعلمى على السيرفر الشخصي
Khaled J. Ahmad
13-04-2009, 12:04 AM
تفضلي اختي هنا شرح تنصيب السيرفر الشخصي الاباتشي
شرح تركيب السيرفر الشخصي لتشغيل جميع برامج إدارة محتوى المواقع (http://www.abc4web.net/vb/showthread.php?t=343)
:abc_022:
abohmam
13-04-2009, 12:15 AM
مبروك الموقع ان شاء الله يتم التعديل على الصور والمنتجات

http://www.marayimshop.com/index.php

بالتوفيق
Khaled J. Ahmad
13-04-2009, 08:47 AM
مبروك اختي
ريوم قطر
13-04-2009, 12:41 PM
تفضلي اختي هنا شرح تنصيب السيرفر الشخصي الاباتشي
شرح تركيب السيرفر الشخصي لتشغيل جميع برامج إدارة محتوى المواقع (http://www.abc4web.net/vb/showthread.php?t=343)
:abc_022:



مشكووووور اخوي ما قصرت
ريوم قطر
13-04-2009, 12:44 PM
مبروك الموقع ان شاء الله يتم التعديل على الصور والمنتجات

http://www.marayimshop.com/index.php

بالتوفيق

ولو اشكرك لين بكره اخوي ما وفيك حقك الله لا يهينك ويرزقك ويفتح عليك :abc_152:
ريوم قطر
13-04-2009, 12:45 PM
مبروك اختي

شكراااااااا

مع اني مستحيه تعبت ابو همام معاي
اهلي مومصدقين بعد ماكنت اعرف شنو كلمة هوست صار عندي موقع لووووووووووووول :abc_097: